身為民建聯創黨四大天王的陳婉嫻憶述，過渡問題在回歸前夕困擾港人，「作為土生土長對國家認同嘅人，我哋要擔任個角色」，因此與其他人創立民建聯穩定民心。工會出身的她坦言，民建聯這頂帽越來越「唔啱戴」，早萌退出之念。2005年曾與民建聯前主席馬力談退黨問題，當時答允時機成熟才「分手」，她形容區選前「割席」，「只係辦個手續啫」。
投票立場經常與民建聯黨團有異的陳婉嫻不諱言：「個黨入面都好多人唔鍾意㗎，你（陳婉嫻）太多豁免，所以一定要行呢一步（退黨）」。她更預告：「如果將來我再做其他嘢，我哋成個團隊就要思考（退黨）問題」，但補充稱：「家唔係處理呢件事嘅時候。」
《蘋果》記者