關仁隱事:波子激走米飯班主 - 關仁

蘋果日報 2008/03/16 00:00


選美出身嘅公仔箱姐仔「波子」,出道以嚟嘅演出機會真係唔少㗎,好似舊年嘅重頭劇《火鍋風暴》咁,佢都有份做㗎,加上身材好又唔吝嗇,肯着三點式上鏡,又成日笑咪咪咁,好有觀眾緣,梗係吸引好多廣告商自動搵上門,要簽波子做代言人或者拍廣告,但波子就唔珍惜機會,結果搞到俾客戶封殺。
關仁聽講話波子成日扮親切笑咪咪,其實個人不知幾招積,當佢做咗好多美容產品同瘦身公司代言人之後,就開始現形玩失蹤,叫親佢出席宣傳活動,一係話唔得閒,一係就玩失約,變成一個紙板代言人,所以啲廣告公司聽見佢個名都怕怕,有啲公司約滿就唔同佢續約,有啲直情將佢列入黑名單,永不錄用㖭。
Textby關仁