負責港澳事務的全國人大委員長張德江今日起訪港3日，大批警方於灣仔會展一帶佈防，並設有大型水馬和鐵馬嚴陣以待。早前警方已明言或對市民造成影響，呼籲市民配合，今早上班時間有市民認為影響不大，但亦有打工仔因擔心封路故提早出門。

家住西環的梁先生平日會坐巴士上班，今日因擔心改道塞車故特別轉搭地鐵並提早15分鐘出門：「因為地鐵站喺裡面，坐巴士大路落會快啲」。他指昨日放工已覺有阻滯，「嗰啲人就真係麻煩啦，搞咁多嘢，區區一個小官嚟啫，我又唔覺得有乜咁巴閉。」家住觀塘的王先生上班要到灣仔轉車，提早10多分鐘出門，猶幸一切如常。

蔣先生表示每日在港灣道巴士站等104號上班，惟今日去到巴士站才發現封路停駛，需要改搭地鐵上班，「有少少唔方便，應該提前在巴士站貼通告。」他預料今日有機會遲到，「聽日都會預早時間出門。」龐小姐指自己有留意封路措施，但不知道巴士會改道，「有少少唔方便，因為巴士繞路，係出面落，變咗行遠咗。」她認為封路暫時尚可接受，惟明日會提早出門，以免遲到。

不過住在南區的李先生就表示，平日上班需乘巴士到灣仔轉車，雖然知道今日灣仔有封路及繞道安排，但並無等別提早出門，通道亦無被鐵馬水馬等阻塞，「都係好似平日咁」。而羅小姐亦稱上班時候交通正常，亦無需提早出門，「冇咩問題，暫時未感受到封路影響。」

灣仔一帶有大量軍裝警察駐守各主要通道及天橋，另有便裝警員來回查核可疑人士，記者拍攝馬路交通時亦被查問。