西甲馬德里體育會王牌基沙文一直被傳會轉投曼聯、PSG呢啲球會，奈何一直都冇咩下文。教練施蒙尼日前終於開綠燈，准許對方離隊他投，而西班牙傳媒就話，巴塞、曼聯、PSG同皇馬都會出手買人。

對於基沙文嘅前途，施蒙尼話:「當然基沙文喺某個時間，將會獲准離隊，同樣迪亞高哥斯達以及艾達杜蘭當年都獲准離隊。我好愛我嘅球員，我好鍾意見到佢哋成長，唔會為此感到不快。」

施蒙尼又舉例話:「如果有球員過嚟同我講『教練，我一生人只有一次機會為某隊效力，我想離隊。』，而佢本人又做到基沙文為球隊做嘅嘢，我會講『冇問題』，因為我知道佢要成長。」

而西班牙傳媒就話，歐洲列強已準備好出手買人，但馬體會仲未同其他球會達成協議。

--------------------
球迷一定要知！英超一哥曼城，已經登陸『BFB』！登入即送藍月球星： http://bit.ly/2AAiPDS