栢芝離婚3年嘅張栢芝，為保持人氣，自sell手法層出不窮。之前去錄影內地節目《媽媽咪呀》時「說漏了嘴」話自己曾四度流產先至懷上Quintius，又俾助手好唔小心咁，錯將安眠藥當成是感冒藥俾栢芝食，結果栢芝於節目錄影上「呼呼大睡」。都仲未計栢芝平時「好唔小心咁樣」俾網民影到，天羅地網，真係去到邊都見到栢芝同兩個仔被集郵。

日前，又有一單關於栢芝嘅勁料，睇條題已經好想睇埋落去:「Lucas曾告密謝霆鋒:媽媽和男人親嘴」，係咪好爆先？

睇埋落去先啦，其實件事係，栢芝於節目上，曝Lucas唔鍾意睇佢拍嘅電影，因為佢多演苦情角色，但有一次無意中見到佢同古天樂錫錫嘅鏡頭——電影《忘不了》嗰場戲，於是同爸爸謝霆鋒告密，話:「媽媽同一個好黑嘅男人kiss呀！」

只可以話，今次古天樂真係無啦啦中槍喇！