韓劇《玫瑰人生》已故女星崔真實女兒崔俊熙，早前因自爆長期受到外婆暴力及精神虐待，又自言患上抑鬱症兼曾企圖自殺，因而成為新聞人物，更令警方介入調查，最終判定外婆冇虐待嘅嫌疑。

不過近日韓網嘅討論區上，就瘋傳多張照片，並指崔俊熙曾孤立著名歌手朴尚民嘅女兒朴佳英，根據留言所指，崔俊熙曾上傳朴佳英嘅照片，並於Facebook上公開嘲笑對方嘅樣貌「長到咁樣都真係本事、有冇考慮過別人嘅眼？」等詆毀嘅言論。

而唔少網民睇完相關截圖後，都紛紛指摘崔俊熙，指佢嘅行為屬於網上欺凌，擔心佢將來成為加害者欺侮弱小。不過暫時就唔知該言論是否屬於崔俊熙本人所寫。