糖尿眼是一種由糖尿病引起視網膜病變的眼病。糖尿病患者因血糖過高，眼睛血管受糖尿影響而出現黃斑，視力因此受損。失婚的歡姐本來與女兒相依為命，但3年前因為患上糖尿眼視力變差，為求不成為女兒的負累，歡姐希望善心人可以資助她打針治療，令她生活上可以照顧自己，期望能助人自助，開心過人生。

現年61歲的歡姐，2016年時突然發覺視力模糊，於是往醫院做眼科檢查，竟然發現是因糖尿上眼所引致的黃斑病變，視力會一路衰退，最終完全喪失。歡姐得知消息登時晴天霹靂：「我一路都無病無痛，我都唔知點解會咁。」雖然難以相信，但還是要接受現實。

歡姐未發病前一直在一家百貨公司從事家品銷售工作，但自患病後公司未有體恤，反而諸多留難。「其實我發現糖尿上咗眼，俾公司知道之後想將我解僱，佢叫我做收銀；收銀要睇mon（顯示屏），我點睇到呢，咁佢話我唔符合公司要求，解僱咗我。」

歡姐隨後找到一份工作比較簡單的夾萬銷售工作，但因視力日差，未能勝任，因此決定於下月離職養病。其實歡姐得病後仍堅持工作，全因治療費太貴：「喺眼科醫院打針治療，每個月1.5萬打兩隻眼……我前前後後打咗十幾針，我自己都負擔唔到。醫生提議打另一種類固醇針……呢支針成9,000蚊一針，四至六個月打一針，但我都打到無錢啦。」

對歡姐來說，雙眼視力退化已無法恢復，現時只求眼疾不再惡化，令她可以照顧自己。現時歡姐靠一副特製、遇陽光會自動變黑的遮光眼鏡，方可獨立生活，但有時仍覺很不便：「我有時出去食嘢睇餐牌，我要用個電話影低個餐牌再放大嚟睇，我先睇到餐牌有乜嘢……出街搭巴士，我睇唔到架車嚟緊，又睇唔到佢係幾多號車，變咗我唔可以去截車……」因為視力差，歡姐早前更因此「叉錯腳」仆倒致肩膊骨裂，至今左手不能舉高。

失婚的歡姐，目前只有女兒可作依靠，但她不想成為女兒的負累，只求可以自己照顧自己，不要令女兒擔心。「就算第日阿女結咗婚有小朋友，我都冇可能幫到佢……醫生話打針可以穩定視力，依家自己一個人住……我希望唔好畀到太多嘅負面壓力佢（女兒），我個視力保住呢，我就可以自己照顧自己。」

歡姐明白，作為一個受助者，能夠助人自助才是真正有福。「我好想用我嘅經歷開解人，因為作為聆聽者係一樣好辛苦嘅嘢，所以好多時我都唔敢同人哋講，因為好多人唔係好想聽咁多負面嘅嘢，所以我好想用我自己經驗去幫人……但無奈隻眼要醫藥費，如果唔係我都好想去做義工，幫到人哋、亦都幫到自己，令到自己開心過人生。」

「歡姐」現無力負擔自費眼針藥費，請支持她，使她的情況有改善。「蘋果日報慈善基金」關顧主任正關注她的情況。
 
「歡姐」暖流之友編號：C4674
網上捐款： http://bit.ly/applecharity
想知最新蘋果基金動向？即like fb： http://www.fb.com/adfundhk

「蘋果日報慈善基金」聯絡方法：
電話：29908688
傳真：23076307
電郵：[email protected]
蘋果基金[email protected]
WhatsApp： https://api.whatsapp.com/send?phone=85298627828
網址： https://hk-charity.nextmedia.com
facebook專頁： http://www.fb.com/adfundhk
YouTube頻道： http://www.youtube.com/adfundhk

「蘋果日報慈善基金」捐款方法：
– 以PPS或信用卡作網上捐款： http://bit.ly/applecharity
– 銀行存款：
　滙豐銀行：580-198836-001
　恒生銀行：368-006565-001
　中國銀行：012-898-00067655
　東亞銀行（往來戶口）：015-514-68-01678-5
– 現金捐款（OK便利店）
– 填妥捐款表格透過VISA、MasterCard或AE信用卡捐款
– 港九新界7間華星冰室分店之捐款箱
如讀者市民捐款至醫療專戶，請於入數紙／支票背面寫上S0003專戶編號，然後電郵／傳真／WhatsApp訊息／郵寄予本基金。
如捐款至指定暖流之友（受惠個案），請於入數紙／支票背面寫上其暖流之友編號，然後電郵／傳真／WhatsApp訊息／郵寄予本基金。

「蘋果日報慈善基金」於一九九五年成立，乃根據《稅務條例》第88條獲豁免繳稅的慈善機構。基金除接受市民捐款外，亦接收《蘋果日報》捐出的1%盈利作為善款，以幫助有需要的人士和資助有意義的社會及教育活動。基金一切行政費用均由《蘋果日報》支付，善款的一分一毫，將全數用於暖流之友所需。「蘋果日報慈善基金」務求按照善長意願，把善款轉交指定暖流之友。然而個別暖流之友可能因長期離港及搬遷等情況以致失去聯絡，甚或暖流之友已經逝世或拒收捐款，有關善款將撥入基金作其他慈善用途。