賭王何鴻燊與四太梁安琪所生的兒子何猷君，近日在美國趁大學放假回港度假，更活躍玩微博，不時上載與母親慶祝生日、與賭王打麻雀的軼事。昨日凌晨，猷君忽然在微博公佈與西班牙籍混血初戀女友Francesca分手，結束兩年多戀情，並上載Francesca小鳥依人挨着他的合照，又留言說：「謝謝妳給我的一切．2012-2014．」
之後早上約10時，猷君上載了家姐超盈的入廚照片，並說：「姐姐知我失戀，竟然特別早上為我煮早餐！感動！」在旁加了兩行眼淚直流的表情公仔，相信是為分手一事傷感。

四太：咁老套？

猷君昨日黃昏再為分手自我安慰：「人生就是要不停地學習，怎樣處理分手也是其中之一。大家不用擔心，我是MIT（美國麻省理工大學）的學生，我一定能計算出尋找開心的formula的！哈哈。」
記者昨日致電四太，告知猷君宣佈失戀，身在澳門的她說：「唔係咁老套？我打返去問吓，唔知係咪潮流興咁樣相處，大家『鬧變了』。朋友互相認識階段，冇話拍拖定分手，朋友相處夾唔夾、朋友要夾、夫妻都係要夾，仲細個慢慢學習相處，喺社會生存做人，男又好，女又好，唔識相處點識工作。」
猷君前年大除夕，拖實Francesca見傳媒，更認定她是其初戀，當時他大讚女友：「我鍾意佢又靚又叻，識講英文、法文、德文、西班牙文同菲律賓語。」Francesca擁有西班牙、中國及威爾斯血統，更是西班牙駐港領事親屬，可算門當戶對。
採訪：唐如