「我咁大個仔都係第一次搭長途船，咦！嗰座山係邊度嚟？我哋幾時到東平洲呀？」眺望廣闊的海洋，九歲的俊仔高興地嚷着。日前蘋果基金「童夢成真」行動，特別撥款舉辦「暑期活動我有份——東平洲生態遊」，安排一百五十八位貧困家庭的孩子，到東平洲認識自然生態環境，當日天公造美，參加者難得在海岸邊觀賞到色彩鮮豔的珊瑚群。

出發前市區持續下雨，然而東平洲卻予人一種世外桃源的感覺；在蔚藍的天空下，一百多位參加者懷着興奮的心情甫登上岸後，已被清澈見底的海水吸引，靠在岸邊觀看魚群在碧波「暢泳」。
「嘩！啲水好清呀，重有好多魚仔㖭，原來岩石有咁多種形狀；嗰啲珊瑚又好靚，今個暑假最開心就係嚟東平洲！」俊仔喜形於色地說。
就讀小學四年級的俊仔，與父母及兩名弟弟均是首次踏足東平洲。在燒臘店舖工作多年的俊父，近年受生意不景影響，經常入不敷支，每月除了繳付伙食開支之外，還要應付孩子的書簿費用，經濟緊絀。為了節省生活開支，每逢假日他甚少與三名兒子出外遊玩，更遑論乘船出海。

經濟差少外出
「若果每位要畀成七、八十蚊去東平洲，真係好肉痛，邊有錢去玩吖；𠵱家每人淨係畀十蚊，真係慳好多。」三十九歲的俊父坦言。
患有小兒痲痹症的單親婦黃女士，丈夫數年前病逝，育有兩名分別四歲及六歲的女兒，現依靠綜援金維生，生活捉襟見肘。
「平時邊有錢帶佢哋周圍去玩，放暑假咁耐，佢哋都係成日留喺屋企；今日真係好開心，我自己都未見過咁大嘅石灘。」三十多歲的黃女士喜孜孜地道。