「新一代宅男女神」的陳瀅（Jeannie）今日喺商台，宣傳8月21日推出嘅圖像文學《半透明的舞孃》，講到最激嘅一輯相，佢透露係連內褲都唔着，真空上陣，不過三點不露，只係用貓同仙人掌遮住。

為免尷尬，當時係清場，就連攝影師都係女性，佢話：「由細到大，我同家姐都未試過一齊沖涼。」點解今次肯影呢輯相？陳瀅話：「除咗留個紀念之外，我想克服呢個恐懼，由入行到0依家，我都被人批評我唔夠瘦，我想透過呢本寫真同冇着衫嘅相，跟觀眾講我接受我嘅身形。」

問佢有冇親自參與揀相，以免有穿崩相流出？佢話：「有呀，check得好仔細，我用放大鏡睇，見到有張相有少少露點。」哇...好彩有Check相咋...