中七女學生寧為做減肥代言人而放棄高級程度會考？乍聽之下，大部份人都會認為她不應放棄大好前途，但當你知道這個190磅的少女出街被人笑及健康日差等苦況後，可能也會認同她的選擇。

現年18歲的應屆高考女生Alice，獲纖體公司聘為代言人，她近日在網上貼文稱，「對我來說，考試固然重要，但係條條大路通羅馬，考不上大學的話，我可以重讀又或者讀副學士、高級文憑，更何況我現在只有一半的信心能入大學。」

「俾人笑豬扒冇自信」

她向網友訴說肥人的困惱：「肥真係令我好痛苦，日常好難買衫，衰嗰啲時裝店sales會睥實你，把你全身打量一番，然後當你走出舖頭後，便同啲同事喺度笑你。出街成日俾人望住、指指點點，俾人笑死肥婆、豬扒……搞到個人冇晒自信。」
Alice續說：「肥令我最痛苦的是健康狀況開始越嚟越差，行快幾步都會喘氣……而且開始出現關節炎的徵兆，膝頭開始痛。」最後，Alice對這份減肥代言人的工作珍而重之說：「我要做好呢份工！」

《蘋果》網聞版請你報料！大家無論在網上網外發現任何騎呢搞笑的事情，都歡迎提供照片或短片資料。
一經採用可獲酬100元
請附姓名、電話及電郵地址，電郵到：[email protected]