《中國新歌聲2018》港澳區海選決賽前晚有結果，冠軍由現年29歲任職空姐郭嘉敏（Kaman）奪得，今日主辦總策劃方國華老師同郭嘉敏喺尖沙嘴現身見傳媒。

Kaman稱自小鍾意唱歌，過去曾參加其他歌唱比賽取經作準備，前晚在港澳區海選決賽獻唱了兩首英文歌《Spoiled》及《What do you want from me》。將來會否做全職做歌歌手？佢話：「唱歌係我由細到大夢想，做歌手要睇日後機遇。」

稍後Kaman會赴上海參加一個「盲選」，成功入圍後才可晉身10月初喺北京鳥巢舉行嘅總決賽，揀歌參賽方面，方老師表示應該不會選唱謝霆鋒、周杰倫、庾澄慶及李健4位導師嘅歌曲，因為導師或評判嘅歌曲大家已好熟，而且應該唔會唱得好過佢哋。面對幾位份量級導師，Kaman笑言：「暫未有壓力，未識驚住。」方老師曾做過羅力威經理人，佢暫未諗簽Kaman成為旗下藝人。

精選娛聞，喺晒《娛果》
http://fb.com/appledailyent