【A米起飛】13場不敗殺入意盃決賽 加度素唔敢認神級教練
加度素意大利盃意甲拉素AC米蘭戰果速遞
AC米蘭近排勢頭認真唔講得笑,喺周三意盃4強次回,作客拉素踢足120分鐘都互無紀錄,兩回合計都係踢成0:0,結果AC喺互射12碼以5:4贏拉素殺入決賽。計埋呢場波AC已經連續13場比賽不敗,想當日教練加度素喺上年年尾接手執教,全世界都唔睇好佢,首場領軍仲尷尬賽和一分都冇嘅榜末球隊賓尼雲圖。時移世易,加度素家下
AC米蘭近13戰不敗,近6場仲未失一球,加度素當然係功臣之一。佢喺意盃次回合賽後話:「拉素經常喺主場贏對手四五球,今場波我哋踢得相當唔錯,有唔少入球機會,當然亦有好幾次幾乎失波。我哋有自己嘅足球理念,喺集訓期間好努力去練習,AC米蘭喺今屆意盃仲未失過一球,係全隊所有球員嘅努力,每一位球員都有參與防守。」
執教AC米蘭初期,加度素嘅前景被唔少人睇淡,佢回應話:「我承認我仲未係一位偉大教練,唔係戰術大師,未得到過任何重要成就。但我亦唔係某啲人眼中咁無能,過去5年我一直都有努力,贏過一次意丙冠軍。」
--------------------
踢出我天地!【HUNGRY HEART X BFB CHAMPIONS 2.0】合作活動登場!登入即得主角★7葉恭介! http://bit.ly/2xrTKGM