蒼井空全力開拓內地市場已經四年，對於近年強國頒下限娛令嚴打艷星，蒼老師都話自己越來越窄，講緊佢自己內地事業條路。
雖然蒼老師代言嘅男人的果汁喺內地有廣告出街，不過明知內地嘅限娛令簡直衝着佢而嚟，所以都係搵定後路冇蝕底。早前就指蒼老師唔介意重返AV界，除喺泰國市場有極佳發展外，佢最近似乎想同波多野結衣爭台灣地盤。
蒼老師最近相隔6、7年再去台灣搵食，寫慣簡體字嘅佢，噚晚喺facebook首次打繁體字留言，話呢次唔止遊夜市玩射波波，佢又話好開心可以去24小時釣蝦場，仲好有食神即釣即食，大讚好好味！