現年26歲，於93年4歲之時加入大台任兒童節目做小演員嘅潘曉彤，一直都參與過唔少劇集演出，仲同伍詠薇﹑馬國明等合作過，喺上年8月佢就宣佈要同外籍男友結婚，噚晚佢出嫁喇，仲喺灣仔一間教堂舉辦婚宴。

噚日有份做姊妹嘅梁嘉琪，今日就喺IG貼咗一張佢哋成班姊妹嘅相，當然有埋靚靚新娘潘曉彤啦，張相佢哋就坐喺公園嘅搖搖板上面。而喺婚宴上，伍詠薇、樂瞳、楊潮凱等人都有去到。今日仲有更多人貼咗噚晚婚宴嘅相，見一對新人同親友都玩得好開心，兩公婆當然有同賓客Selfie啦。