香港人平均每日棄置逾190噸舊電器，電視機最冤枉，「唔係因為壞，係因為唔夠大」；雪櫃更無辜，「覺得肉酸就換咗佢」。謝東海每周回收千件舊電器，部份修復後轉贈基層家庭，其餘轉廢為材。他是回收新丁，本是電器老手，昔日月賣萬部電視機，出口到外國，今天變成電子垃圾，萬般帶不走，「我向同事講，我嚟還嘅。因為以前賣太多，家嚟收番」。

記者：王家文

走進屯門環保園工場，上百計卡板積滿舊電器，六呎高三門雪櫃、專業吸塵機、全自動洗衣機、簇新電焗爐，還有名牌音響、多功能電飯煲等，林林總總，可填滿幾個籃球場。工場每周接收千件舊電器，當中4至5成來自屋苑。但本港每年棄置逾7萬噸舊電器，就算工場回收得多，也不及港人棄掉得快。

「收得番，又整得番，多數都係唔等使嘅嘢。」謝東海攤開雙手，「多士爐、攪拌機、榨汁機、麵包機、咖啡壺、油炸鍋……」循環不斷，「通常都係屋企有，但就冇發現，大掃除一定搵到佢，然後覺得阻碇扔咗佢。之後行街見到promote（宣傳）好精彩又買返去，用唔到3次覺得麻煩，跟住收埋佢」。按摩類電器每月也收過百件，「由頭頂按到落腳趾尾都有」。

謝東海是歐綠保綜合環保公司項目主管。公司去年與政府簽約，回收舊電器，透過除毒、拆解及循環再造等工序，轉廢為材如鋁、銅和膠等；部份電器經修復後轉贈有需要市民，每月捐出約230件舊電器，受助人需經社工轉介，大多是劏房戶和貧窮長者，也有單親媽媽和殘疾家庭，每次可選取4件電器。

「去做家訪先發現，有啲情況真係比想像中更差。」謝東海去過深水埗一間劏房，住上兩母女，僅得一張床、摺枱和兩張凳，家徒四壁，但只要了風扇和電視，「我問佢點解唔要多啲，佢話夠啦」。另一個四人家庭，女兒唸名校，父母為照顧癱瘓的兒子，只好辭工領綜援，「有時見到呢啲情況都唔識講，只可以同佢哋講，有乜需要，同我哋講」。

工場有塊白板寫上每月最受歡迎排行榜，首5位是電視機、雪櫃、洗衣機、風扇和電飯煲。謝東海說，約4成舊電視機能修復，但近年越收越大，最大達60吋，「通常扔電視機嘅人，唔係因為壞，係因為唔夠大」。劏房戶用不着，只夠位放20多吋；雪櫃也一樣，試過連門口也擠不進，惟有轉贈社福機構或食物銀行。

電器像人，也會生病。維修師傅黎德滿醫好不少舊電器，部份只有很少毛病，如電視機壞按鈕，可能因老化影響導電，清洗積塵便可，再不就換過按鈕；又如微波爐旋鈕常弄爆，更換配件也能再用，「好多電器真係可以維修，延續到佢嘅生命」。黎師傅用雙手令舊電器重生，謝東海就來還債，「以前賣太多，家嚟收番」。

他做了近20年買手，出口電器，「試過一個月賣1萬部電視」，那時一部低音「火箭炮」電視機可賣上兩、三萬元。時值90年代中國經濟剛起步，工廠林立，「數以萬計（電器）咁湧出嚟，好好做」。賣得越多，欠得更多，昔日產生的電子廢物污染土地和海洋，今天重回餐桌上，「我哋每日都食緊」；3年前決定轉行還債，「就係唔想畀下一代食，呢個先重要」。

市民如有部份廢舊電器包括電視、洗衣機、冷氣機和電腦等，可聯絡歐綠保安排免費上門回收，熱線：2676 8888。