陳松伶（松松）前晚三十一歲正日生日，她跟歌迷在九龍香格里拉酒店筵開七席，舉行生日派對。

不乏追求者
松松除了獲歌迷送上生日禮物外，她的經理人陳淑芬亦送上Burberry披肩。而早前傳曾向松松求婚的美國I.T.人Wyatt，前晚帶來公仔祝賀伊人生辰，但前晚Wyatt卻不肯提及可會再向松松求婚。
松松不諱言身邊不乏追求者，她說：「𠵱家冇時間拍拖，不過我希望帶幸福畀一百個人，總好過淨係畀一個人。我又希望我嘅性格同脾氣可以變得百分百女人，然後先去識男朋友。」
問壽星女松松的生日願望？她說：「我唔想塊面有咁多雀斑，而且我覺得自己冇用，如果冇屋企人照顧，我就似個廢人，唔識照顧自己，未來要反省吓。」
採訪：陳儀敏
攝影：陳慧安