好大機會成為今季英超神射手嘅盧卡古，已經表明唔會同效力球會愛華頓續約，咁佢下季會去邊？曼聯定車路士？有人從佢嘅上網行為，推測到佢重返車路士嘅機會大啲喎。

車路士喺上周五小勝西布朗鎖定今季英超冠軍，球會方面喺賽後有喺Instagram做網上直播球員喺更衣室慶祝情況，有人發現盧卡古當時一直都關注住個直播，仲有留下言咁，懷疑佢同車仔餘情未了。英超冠軍配神射手，都好啱數嘅。