港府硬推《逃犯條例》修訂，保安局局長李家超更指法律界因「誤解」，以致反對修例。面對惡法修例殺到埋身，《蘋果》即日起找來法律界權威人士，將每日為大家解釋對修例的看法，逐點反駁李家超「誤解論」。

今日就由公民黨資深大律師、大律師公會前主席余若薇，戮破《逃犯條例》修訂的謊言。

問題：如果連法官這個主要守門人都認為擬議的立法行不通，那麼將來法律正式實行時，香港政府還如何確保法治不會受到損害？

余若薇：條例不單止對法律界，亦對司法界構成非常之大嘅衝擊，將來點樣確保法治，我覺得係非常之難，因為係直接衝突嚟。香港行嘅法治，司法獨立係非常重要嘅元素，但2014年《白皮書》講明，法官要愛國，習近平及最高人民法院院長都講明，中國唔實行西方司法獨立，係要中國式社會主義法治，對香港係南轅北轍嘅一樣嘢，講緊法官要配合國家、要愛國。

香港本身唔單止司法獨立，仲係法律面前人人平等，有人權及無罪推定，可以自己選擇律師。但中國嗰套，王全璋被捉咗1,000日都未審，審訊亦唔係公開審訊，冇自己律師代表，屋企人亦冇得見。

政府承諾有人權保障，但唔肯寫喺法例，話要彈性，法律保障當然要寫喺法例裏面，法官正因為冇法例條文，唔可以把關。條例若通過，國家要拉某啲人、要凍結某啲財產，咁法官就要配合，特首你都睇到啦，無可能期望特首去拒絕，咁仲邊有法治啫？我睇唔到。

昔日新聞：電視辯論互叫熄咪 曾：你係撕裂2.0 林鄭：會順應民意辭職

相關新聞：【不斷更新】全港大中小學學界聯署「反送中」

【引渡惡法●懶人包】大律師公會逐點K.O.政府修例理由
【引渡惡法●懶人包】一文睇晒立會法律顧問7點質疑修例

民陣6.9反惡法遊行

日期：6月9日（日）
集合地點：維園草地
時間：下午2時30分集合、3時正起步
遊行路線：維園草地遊行至金鐘添美道立法會
（資料來源：民陣）

-----------------------------
新聞有價 你肯為《蘋果動新聞》付幾多錢?
https://hk.adai.ly/QDTT6y5mgX