新一屆全國人大代表選舉會議下周三舉行第一次全體會議，且開始接受提名，最近傳得最勁，就係話鄺美雲想步阿姐汪明荃從政之路，參選港區人大，包括她早前高調為「港人講地」拍片撐「國歌法」，稱「唔尊重國歌等如唔尊重自己」，又叫大家照下鏡：「無論如何你都係一個中國人！」

但依家講嘅，唔係鄺美雲，而係范徐麗泰個仔范駿華。范駿華都話「積極考慮」參選港區人大，努力爭取選委提名票。一個轉身，佢已經喺快活谷，拉頭馬喇。

今晚喺快活谷第六場三班1000米賽事中，由大熱門「積極皇」勝出，而呢匹馬由馬會名譽董事范徐麗泰之子范駿華，以及李一強與梅浩彰三人持有，而現身支持嘅崔建邦，仲齊齊拉頭馬。

講開范駿華，大家係咪覺得好耳熟？今年8月，范駿華入稟區域法院，指鄰居飼養嘅狗不分晝夜係咁吠，更曾闖進其單位天台，令佢受驚。范駿華認為上述滋擾影響其居住環境，更令單位貶值，向鄰居索償及要求法庭頒禁制令，禁止鄰居容許其單位傳出狗吠聲或其他滋擾。

更多娛聞，喺晒《娛果》
http://fb.com/appledailyent