Roy就係呢間公司嘅業務總經理,佢接受訪問時否認截圖係嚟自兩人嘅手機,Roy話:「近排我媽咪都收到好多唔同女士,用女朋友頭像嘅fb賬號add佢,大約有4、5個左右,所以近排有好多Cherie出現。周刊嘅嘢我係控制唔到,希望大家集中番喺電影公司同工作上嘅嘢。」
講到毒品問題,Roy話已經係陳年舊事,𠵱家有八嚿腹肌,所以唔需要。同女友感情佢話事實擺在眼前,女朋友亦冇因此而唔開心,Roy又攬住女友話:「面對壓力,佢比我更加強,有時係佢安慰我。」至於會唔會開戲捧女友?佢話:「要問番老闆,我只係總經理!有機會會安排吓佢做戲。」但就承認女友有面試做真人騷,同場面試嘅仲會有黃榕。
撰文:馮仁昭