李宗偉患癌退役消息傳遍國際羽壇，香港羽毛球一哥伍家朗生涯九次對壘李宗偉，他讚揚李宗偉長期保持高水準，屬球員典範，祝願他退役生活美好。

馬來西亞羽毛球總會去年九月證實李宗偉患上鼻咽癌，其時伍家朗接受媒體訪問時，表示本來他休養前狀態不錯，不似患病，但得知他退出兩個大賽後，已經大約料到其病情不輕，祝願他盡快回歸賽場。李宗偉終告別羽毛球壇，伍家朗回應《蘋果》時，表示深感可惜，讚揚他是球員典範，「雖然覺得可惜，但都覺得身體健康先最緊要，所以都會尊重佢既決定。佢嘅生涯絕對係所有球員既典範，長期保持喺高水準，證明佢每日都保持住系統既訓練，同埋高度既自律，哩一點係好值得球員學習。希望佢將來既生活都繼續美好啦。」伍家朗自2015年起九次與李宗偉交手，只於2017年中國公開賽一役取勝。

記者：洪量丰

--------------------
【新聞有價】6月17日起 繼續撐蘋果
http://bit.ly/2IJ24ZR
--------------------
《體蘋果》陪你睇波講波
https://www.fb.com/appledailysports