周六世盃F組分組賽，於首仗落敗的南韓（圖），將會出戰擊敗德國的墨西哥。南韓首仗面對瑞典高空進襲防線大失方寸，惟是役對手墨西哥以速度行先，加上吸收首仗敗北教訓，今仗未許看得太淡，撐「讓球主客和」南韓[+1]「主勝」。（球賽編號：星期六6；Viu TV 99、now616及618台今日11:00pm直播）
南韓首場分組賽面對瑞典時，整支球隊在上半場踢起來非常拘謹，出現多番傳球失誤，而後備入替的金民友下半場更犯下天條，連累球隊輸12碼。但落後一球後，南韓表現有所改善，臨完場前鋒黃喜燦更有絕佳機會扳平。

墨西哥要主攻表現難料

誠然，面對瑞典的直接打法，南韓防守顯得相當吃力，但今仗面對以速度及技術取勝的墨西哥，相信南韓的防守有力抵擋。過去兩軍六次交手，法定時間內各贏兩次，南韓未見輸蝕。而決賽周前南韓約戰洪都拉斯及玻利維亞兩支美洲球隊均保持不敗，證明球隊有力與對手周旋，今仗也有南韓總統文在寅入場支持球隊，料可振奮軍心。
對手墨西哥首仗爆大冷擊敗衞冕的德國，表現令人驚喜。然而多位前線球員浪費不少增添比數的機會，幸好德國未能扳平，加上上仗墨西哥以穩守突擊為主，是役要主動出擊，表現難料，故撐[+1]的南韓。
文：亨少

今場比賽ViuTV 99 台有免費直播，安坐家中就可以睇到世界級好波！賽前仲有「GOOD NIGHT SHOW全民睇波派對」，齊齊玩遊戲贏巨獎！