英皇證券(717)跌到近上市低位,兩個字:「抵搞!」英皇證券啱公佈2011年度(9月底止)業績,喺港股橫風橫雨底下,純利只係跌14%,到6200萬銀,有晒交代。而集團跌到現水位,現價(0.25元)PE得5倍幾單位數;又以2011年度每股派息計,息率高達5.5厘,已經好吸引。隨住呢潮金融市場暴風雨過去,加埋阿爺逐步放水,英皇證券業績turnaround,恢復增長,預期PE及息率回報,應該仲吸引。又英皇證券手頭淨現金過6億銀,每股淨現金,同現價差無幾,現金牛有番咁上下防風力。而集團現價NAV折讓47%,證券同業中,呢個折讓水平,亦算吸引。收集英皇證券,擺中線,係咁意博上返NAV0.47元,現價係咁意要升88%。