楊立門4日內開兩款騷 自嘲精神分裂 冀開Part 2還飛債
蘋果日報 2021/06/08 20:09
楊立門龍婷何婉盈
歌手楊立門下周二於文化中心舉行演唱會，今天他聯同嘉賓何婉盈與「小龍女」龍婷於觀塘彩排，今次是其公司在疫情放緩後首個演唱會，楊立門表示既興奮又感到壓力，他說：「已經等咗年半，加上我有個音樂劇喺呢個星期六做，要一齊排練，兩個騷只係相隔幾日。」他笑言音樂劇是歌劇元素，兩個騷用上不同的演繹方法，有點精神分裂，他笑說：「兩邊唱嘅方法、發音部位都唔同，要分開個腦嚟做。」問到可要特別養聲？他說：「我自己唔會特別戒口，辣都照食㗎。」楊立門又謂今次演唱會只開一場，身邊不少朋友也買不到貴飛，一身飛債，問到會否開part 2還飛債？他說：「希望啦，都要睇公司安排。」
而擔任嘉賓的何婉盈也難撲飛，她說：「有前輩問我有冇2張飛，最後都冇辦法。其實我哋已經合作過好多次，但演唱會合作就第一次，仲要係第一次合作就唱英文歌。」經驗豐富的龍婷就謂首次跟楊立門在演唱會合作，同樣感到興奮。
楊立門與何婉盈（右）及龍婷為演唱會彩排。
何婉盈將與楊立門合唱英文歌。
何婉盈稱自己也難撲飛。
龍婷表示心情興奮。
-----------------------------