落車時財物要跟身！讀者魏先生昨與友人駕車往油麻地買手推車，期間疑因貪方便，財物依舊放在車內，遭賊人趁他們忙著上落貨時偷走手機，魏先生指會汲取教訓，以會記緊財物跟身，以免有所損失。

現場是油麻地新填地街近登打士街，從事運輸業的讀者魏先生，昨日下午近3時，與友人智叔分別駕駛客貨車抵達上址，將車泊在店舖外，即落車選購手推車。魏先生指出，其貨Van泊在智叔的貨Van後面，兩人合力將手推車放上其貨Van內，「智叔戴住藍芽耳機，聽到『嘟嘟嘟』，知道電話遠離咗，發覺後跑返部車睇，先知道部三星Note 2唔見咗。」

魏先生續稱，兩人即時翻看車Cam片段，始發覺當時一名身高約1.7米、蓄短髮，身穿印有英國米字旗T恤、短褲的踢拖男，趁兩人將手推車放上後車時，打開客貨車乘客位車門，探身入司機位，將該部電話偷去，旋即放入褲袋內，施施然逃去。

魏先生指出，此時始知遇上手機賊，於是致電報警，到場調查的探員經翻看店舖「天眼」，發現該名賊匪早已在附近徘徊，其後伺機犯案。魏先生認為，今次的確是他們自己疏忽，「當時我都擺底咗兩部電話同銀包，好彩係將啲貨擺喺自己部車，賊人冇偷到。」魏先生指出，智叔亦指當買個教訓兼「破財擋災」，日後落車上落貨會財物跟身，「真係諗住落車擺底啲嘢，點知轉過頭就冇咗。」

警方發言人指，事件中事主損失約1,000元手提電話，案件列作車內盜竊，交由油尖警區刑事調查隊跟進。

你敢爆，我敢獎！ 即Call《蘋果》24小時爆相爆片熱線 ：63836568