今晚立法會議員梁國雄(長毛)忙裡偷閒，同一朋友現身圓方睇戲，不過以為佢去消閒又錯喎，佢睇嗰部叫《SUFFRAGETTE》(《女權之聲》)，顧名思義就係講一班主張女人有參政權嘅女權分子，一啲都唔消閒，部戲卡士仲好強勁，有CareyMulligan，梅莉史翠普(MerylStreep）同HelenaBonhamCarter。

今晚7點左右，長毛就同一名女性友人現身圓方戲院，佢哋仲約咗其他朋友，就喺門口吹下水，之後長毛行開去睇一班細路玩冰上曲棍球，等咗十分鐘左右，見「七警暗角打鑊」事件中嘅曾健超都出現咗，長毛同佢打招呼傾咗陣計，一行7至8個人就入場睇戲。

「七警暗角打鑊」事件發生喺上年10月15日凌晨，香港警察於龍和道清場時，向添馬公園內的示威者用武，其中無綫新聞拍得有七名警員將一名示威者抬到暗角位拳打腳踢近四分鐘。