當年今日

「我落嚟做乜!係我害死佢哋」
驟失至愛周婦哭斷腸

蘋果日報 2002/01/21 00:00


「我重好愛你,我都唔想你死,不過係你唔愛我,你死咗啲仔女點算!」……周福雲剛接到警方通知,還以為只有前夫一人自殺身亡時仍不勝慨歎緬懷。
豈料到警署之後才獲悉兩名年幼子女已遭前夫殺害,最疼錫的長女亦危在旦夕,霎時間悲慟莫明,呼天搶地哭成淚人「……你哋個個都呃我,我要去醫院睇佢哋吖……佢哋死得好慘吖……畀番啲仔女我啊……」

無陰功點解咁殘忍
淒厲的呼喚聲不斷傳出屋外,聲聲震撼鄰居,令聞者動容,深深感受這宗滅門慘劇的悲哀。
「我落嚟做乜!……係我害死佢哋……無陰功,點解咁殘忍……。」周福雲哭得死去活來要由兄姊攙扶跌跌拐拐趕往醫院看望兩子女最後遺容,數度哭至昏倒過去。
一個曾經深愛的丈夫.竟然是一個喪心病狂的兇手,離婚已是一個不得不決絕的抉擇,結果弄至如斯下場,她傷痛欲絕,最後不支倒地,昨傍晚急送醫院救治。
周的兩名姊妹欲往殮房看望姨甥遺容均被警員以「血肉模糊」拒絕,她們切齒痛罵:「自己死都唔應該累死埋啲仔女,啲細路死得好慘!」
本報記者