樊少皇同賈曉晨(JJ)今日夫妻檔現身深圳新錶發佈會，樊少皇以齊天大聖為主題，設計一款陀飛輪腕表，JJ透露遲啲都會嚐試設計內衣，但就唔會做埋Model。對於網上一張孕味濃o既相，佢否認有BB﹕「我只係肥咗小小，可能係我骨架細所以有錯覺啫。生小朋友順其自然，如果真係有咗都會照拍戲，武打場面都唔係問題。」老公即插嘴：「可以用替身嘛！」