意大利籍公司騎師沈拿於10月尾踩單車時跌傷腳部，導致右髖部骨裂。

他養傷接近兩個月後，星期日（23日）終於復出，並將策方嘉柏馬房「東山再起」、告東尼旗下「加州福星」、蘇偉賢馬房「君子精神」及徐雨石麾下「爆騷」上陣。

沈拿最近頻頻做運動操弗自己，佢話肌肉力量已回復得八八九九，惟強度肯定仲有進步空間，自己會趁呢幾日再努力健身。

周日將跑四班1400米的「君子精神」，前仗在沈拿胯下贏谷中四班1200米，之後再戰同程改配綽號猛人輝的蘇兆輝卻落敗而回。

「君子精神」今次增程上陣，外號表情王的蘇偉賢將佢畀番沈拿騎，希望可以幫到對方東山再起咁話。