當年今日
關於我們

【苟姑娘輸咗!】莊思敏心口賣「大包」想扮如花出席晚宴

蘋果日報 2016/01/31 06:00

蘋果莊思敏苟芸慧苟姑娘即時如花

苟芸慧(苟姑娘)、莊思敏同麥子樂今日喺鑽石山出席「金猴獻瑞茶藝園」揭幕禮,以藍色低胸裙示人嘅莊思敏大騷事業線,揮低密實苟姑娘,事後苟姑娘解釋:「我感冒病咗,唔想再嚴重傳染俾人,希望大家身體健康。」

提到佢同莊思敏間點心店,由於生意唔錯,所以上年已經喺中環開設分店,苟姑娘透露打算稍後喺內地、東南亞再開分店,將香港點心傳開去。

講到莊思敏喺Instagram上載同韓國天王Rain合照,佢話:「我啲朋友去晒睇Rain,但我要去一個手錶品牌春茗,抽到現金獎3000蚊,後來聽人講Rain會去AfterParty,我咪叫埋莊思明、莊思華同王子涵,等咗兩個鐘先,最後見到一面大合照,但我同佢自拍,佢工作人員出手撳住,所以張自拍好濛。」

早前莊思敏因為拍電影《導火新聞線》,而跟王宗堯掀起罵戰,難怪噚晚唔見莊思敏現身《導火》煞科宴,佢話:「梗係去抽現金獎同見Rain。」唔係因為唔想見王宗堯?莊思敏話:「唔關事,遲啲公司有個晚宴,到時有個頒獎禮,都會見到佢;我反而諗緊當晚造型,因為公司叫我哋扮演星爺(周星馳)電影角色,我就諗到如花,本身想扮美人魚,但我搵唔到條魚尾。」