黃翠如今日在荃灣出席按摩產品活動，以橙色露腰連身裙示人的她，身型纖瘦。黃翠如自爆血壓和血糖偏低：「細個嗰陣成日都入醫院，試過有次暈咗喺馬路邊，仲跌到成身瘀晒，所以我細細個嘅生日願望就係身體健康。」

老公蕭正楠經常逼她做運動：「佢會同我打羽毛球，仲買咗塊羽毛球拍畀我，初初要連續接到20球，而家已經進步到可以接到40幾球。每個星期大約打一次，其實佢隔日就問我去唔去，有時仲要做埋體能訓練。」她笑指曾與蕭正楠跑步，跑了一圈便跌倒：「佢嘅反應係笑，我好嬲。」

早前有周刊指翠如看醫生驗身準備生BB，她澄清對方是情緒催眠醫生：「佢係（黃）浩然嘅舅父仔，嗰日係去派餅畀佢。我自己都搵過佢催眠，真係瞓咗喺度唔郁得。阿廉（曹永廉）試過失眠，都係睇佢，我都有興趣想學，如果幫到佢就好。」問她是否想催眠阿蕭？黃翠如即尷尬傻笑。

至於老公將與「小三」阿廉拍咀嘴戲，她說：「嗰日食飯，佢（蕭正楠）話：『我嚟緊同佢咀』，跟住就繼續食飯，好似好有嘢又扮冇嘢咁。不過佢兩個好好㗎啦，好好照顧對方啦，我嚟緊都去拍旅遊節目，佢哋做咩都冇人知。」

另外，提到近日《逃犯條例》的新聞，黃翠如說：「我有留意新聞。」問她看到示威者受傷是否很心痛？她說：「我諗有睇新聞嘅人，都有咁嘅感覺，大家都唔好受傷。」

-----------------------------
6月14日至22日 《GAME迷鬥一餐》
玩《小小金魚跳躍王》即有機會贏取 OUTBACK $100現金券
http://bit.ly/2HW1FUH
-----------------------------
【新聞有價】繼續撐蘋果
請往蘋果日報網站了解更多