現年38歲嘅韓劇《OH！必勝奉順英》女星秋瓷炫，同36歲大陸男星于曉光於今年1月結婚，兩人近日以夫妻檔拍攝韓國綜藝節目《同床異夢2-你是我的命運》，深受觀眾歡迎。

《同床異夢2》將於下周一播出最新一集，節目組噚日公開呢對中韓夫妻嘅預告相。節目最新一集將繼續播出秋瓷炫、于曉光去濟州島旅行嘅內容，兩人游完水去食飯，品嘗當地嘅海鮮，于曉光仲食到狼吞虎咽，似乎相當肚餓。

雖然兩人仲係新婚，不過于曉光似乎想快啲攸老竇，更單刀直入問老婆秋瓷炫：「我哋幾時生小朋友？」又指自己今日食咗好多鮑魚，對住老婆開18禁玩笑。對於老公喺節目上開18禁玩笑，令秋瓷炫大感怕醜，不過節目主持人就表示：「兩夫妻自自然然講起呢啲話題都幾好。」