「福聚來」的椒鹽雞翼非常香口,小朋友食得興高采烈,叉燒芙蓉炒滑蛋更係送飯佳品,一天辛勞,一碗大白飯伴炒滑蛋,滿足矣。特別推介特價海鮮豉汁蒸黃鱲䱽,$88一條夠份量,吮盡魚骨再用汁撈飯,吃得碟底朝天。「德仔記」事頭婆介紹蒜茸斬件蒸海魚,又香又滑,才百多元一條,香港點都食唔到。最令人嘩一聲的是招牌當紅炸走地雞,皮炸得像片皮鴨一樣鬆化香脆,雞隻多空間走動,皮與肉之間不留脂肪,雞肉嚼之有勁兼有雞味,連雞胸白肉也柔軟不起渣,誠之為一隻靚雞。
「福聚來」與「德仔記」的共同之處是兩間食肆的經營者都非常尊重自己的工作,樓面乾淨、食物美味兼夠鑊氣、不同顏色的枱布及壁畫添上許多生命力、工作人員笑容滿面兼對自家出品充滿信心。簡單說句,有時間我必定會再回去幫襯。