大家仲記得2R出浴圖嘛？當年唔少網民為咗睇呢幅「出浴圖」而中伏，以為係講緊姊妹組合2R嘅Rosanne（黃婉君）及Race（黃婉佩），點知係巴西足球明星－朗拿度（Ronaldo）和李華度（Rivaldo）嘅出浴照。

今日係人日，即係人人生日，2R嘅Race就相當識做，喺微博貼咗張索爆泳照，佢手中拎住支啤酒，而姨甥Dylan就似乎想搶Race姨姨支啤酒，Race就喺張相搞笑留言：「Dylan,you'retooyoungforbeer!」

現年31歲嘅Race雖然冇澎湃身材，但勝在骨肉勻稱，身材弗到漏，加埋個誘人甫士，唔知宅男們歡喜唔歡喜呢？