陳凱琳今日喺中環出席化妝品牌活動，原來佢啱啱由橫店拍劇回港，喺當地仲輕微中暑，大爆男友鄭嘉穎體貼又窩心：「第二日又嘔肚又唔舒服，好彩媽咪陪我去，幫我買藥。佢（鄭嘉穎）嗰日不停WhatsApp我，但我開完工就瞓冇覆，媽咪就話咗俾佢知咩事。到我凌晨四、五點WhatsApp佢，原來佢未瞓，話要等到我報平安先去瞓，真係好窩心。」

咁，「218五個0」係咪一百分老公？陳凱琳甜笑：「一百分㗎。」問佢日前向待嫁新娘江若琳擺酒取經，係咪好事近？她稱：「出咗新聞我都尷尬，因為我屋企人有個group，我同佢哋講冷靜啲，如果係（結婚），我會講，不過依家唔係籌備緊任何嘢。」

至於林子善結婚嗰日，爆料話兄弟就嚟好事近？陳凱琳即話：「係咪馬國明呀？推個波畀人先。屋企人冇催我哋，見到佢同daddy、媽咪關係咁好，我自己都好開心！」