噚晚陳慧琳(Kelly)一連9場紅館騷尾場，小美，GinLee同姚子羚等去到捧場。

噚晚Kelly喺多謝鍾珍，助手同經理人公司時忍唔住喊出嚟，多謝屋企人，老公同兩個仔時又問問工作人員:「我兩個仔係咪瞓咗啦?」得知真係瞓咗之後Kelly就扁嘴:「成日都睇唔晒個騷。」之後佢就多謝fans:「多謝你哋兌現承諾，我生咗之後都嚟睇我。」之後更向fans90度鞠躬30秒。

喺唱《誰願放手》時，歌迷會準備咗條寫住「年年月月逝去愈是覺得深愛你」嘅banner高舉，場面十分感人，Kelly就坐喺台上聽fans唱完呢首歌話:「我好surprise呀，唔知道轉咗(寫「年年月月逝去愈是覺得深愛你」)。」然後又眼濕濕。

之後encore一次完場，Kelly從升降台落去表示:「我好唔捨得你哋。」到開晒燈fans都唔肯走大叫Kelly，2分鐘後Kelly就再出場坐喺台邊話:「你哋唔捨得返屋企呀?」之後唱出《Youaretheone》，再之後再唱《Let’scelebrate》，佢話:「鍾小姐(鍾珍)一定要用呢首歌做endshot，因為20周年一定要係慶祝嘅，不過我O依家著住晚裝跳唔到，我會派助手Winnie出嚟跳。」Kelly助手Winnie出場跳舞直頭係技驚四座，跳得好好同Kelly一模一樣，Kelly喺台邊一邊比like佢，演唱會於晚上約11時24分完騷。