當年今日
關於我們

【韓流】河知雲同家姐有幾似樣?

蘋果日報 2015/04/23 06:00

蘋果香港法國真人騷父母家姐怕醜打掃煮飯洗碗即時河知雲洗衫節目和姐姐一起GoGo全宥京

韓劇《奇皇后》女星河知雲飛往法國拍攝嘅真人騷節目《和姐姐一起GoGo》,噚日喺首爾江南區舉行記者會,河知雲帶埋有份參與拍攝嘅親家姐全宥京一齊出場。

可能家姐唔慣對住咁多記者同鏡頭,所以有啲怕醜,見慣大場面嘅河知雲就即刻睇實家姐,上落台都拖住或者輕扶佢,真係姊妹情深。兩姊妹仲被指有啲似樣,尤其係笑容。

河知雲透過今次節目體驗咗法國人嘅生活,佢仲好搞笑咁話:「同家姐去咗之後好掛住父母。洗碗,打掃,洗衫全部都要我來做,就連煮飯都要我來,唔係一次而係次次都係,我只煮一個餸,卻要攞20個碗!感受到父母好珍貴,亦對煮飯嘅人產生了尊敬,並得出一個結論,就係我唔要再煮飯喇!」

河知雲又指估唔到真人騷原來真實得咁緊要,24小時都在拍,「返到屋企居然發現有20部攝影機,嚇了我一跳。我要求導演喺我瞓覺時熄咗部機,不過唔知係咪拍耐咗,自己亦放開了,到後來連瞓覺都唔熄機,雖然心裏仲有少少不安。」