好感動，真係好感動。

即係咁，如果KobeBryant引退，可以成全到FishermanLok同反面三年嘅周柏豪破冰，值唔值？(有關於Kobe同余文樂之間嘅關係，請參考呢條link：　 http://bit.ly/22Mz3xj 　)

為咗女……好似係，包括有傳余文樂當年不滿明明已有正印女友嘅周柏豪偷食隊友細妹，憤而將柏豪踢出橫洲工業；亦有傳兩人為爭Kary吳雨霏而反晒面，anyway，依家兩個做番好朋友，橫洲工業re-u，都係好事嚟嘅。

噚晚《蘋果》獨家直擊揸波子嘅余文樂同揸Audi嘅周柏豪喺上環尚興舉行「世紀飯局」，同枱仲有其他隊友。兩架車明明就一齊泊，但周柏豪就收到「牛肉乾」，余文樂架波子就唔見有，唔知係收起咗定係其他原因啦。走嗰陣，余文樂一馬當天，雙手插袋；周柏豪就企喺佢身後。唔知點解，總係覺得有啲怪…

之後柏豪發現記者，即主動揮手SayHi同Bye，余文樂就未有理會。去攞車嗰陣，余文樂又係一馬當先，同周柏豪距離六、七個身位，余生行行下要擰轉頭同墮後嘅周柏豪講嘢。就連上車，都係余生上先，柏豪唔知點解，硬係慢一步咁。

簡單嚟講，成幅picture就係：余文樂成個大佬咁呀呀呀呀呀！