古天樂同劉青雲今日喺中環出席時尚雜誌頒獎禮，講到鞏俐日前失落台灣金馬影后獎座，事後炮轟金馬獎不專業不公正，當晚有份出席頒獎禮嘅青雲表示：「我有睇報道，每件事有自己睇法。」

問到佢覺唔覺得金馬獎搞小圈子，青雲表示：「我冇覺得係與唔係，我自己參與影展係去支持。」對於失落影帝，佢話：「攞到固然開心，但冇獎冇影響我對工作信心。」青雲仲話有興睇港視劇集。

至於古仔喺電影《掃毒》表現不錯，但唔入圍金馬提名，佢話：「做演員係拍戲，呢啲我哋控制唔到。」