雨僑今日喺修頓球場出席「建造業安全獎勵計劃(2013/2014)頒獎典禮暨嘉年華」,有傳雨僑加盟星娛樂後,將會踢走即將約滿嘅鄭融做一姐,雨僑聞言就話:「我絕對唔要一姐稱號,叫我做『雨姐』,好核突呀,我啲朋友已經取笑我。」
雨僑表示好欣賞鄭融,大讚對方唱歌跳舞好,希望同佢有合作機會。
如果鄭融約滿離巢,怕唔怕畀人話係佢踢走鄭融呢?雨僑苦笑話:「拍《喜愛夜蒲》時又話我趕走DaDa(陳靜),0依家又話我趕走佢,唔好呀,一定同我無關,我當然想佢繼續留低,一齊喺同一間公司合作,但如果佢真係搵更加好嘅發展,其實一定唔關我事,我唔做專趕走人嘅角色。」
爛片界盛事、由本報娛樂版舉辦嘅第九屆「金話梅電影選舉」(GoldenPlum)又嚟喇!請即click入網址投票,喺香港電影金像獎舉行之前選出爛片之霸!
↓↓↓
http://campaign.appledaily.com/goldenplum