LGG2發佈未夠兩星期,韓版水貨已經搶閘到港,專售日韓水貨機的三禾電氣Simon說,G2一到,相當受歡迎。要注意韓版同港版有少少唔同,除支援4G,仲支援最新LTE-A,不過香港暫時未用到。另外還可插microSD卡,而港版冇得插,最大對應64GB,加埋內置32GB,總容量最高有96GB,喜歡聽歌的朋友,是好消息。G2還是首部對應24-bit/192kHz靚聲解碼的手機,音色仔細,又有層次感。再加上1,080p高清屏幕,聲畫都是一級水準。其實G2的操作,很直接方便,由於按鍵全在機背,要解鎖的話,點擊屏幕兩次就可以,用三隻手指向左掃,可以退出主畫面之外,又能將現行程式儲起,下次再使用的時候,就毋須重新啟動程式這麼麻煩了。當長按音量(-)鍵,即可啟動拍照功能,拍攝、自拍都支援光學防手震功能,何時何地,都可以用1,300萬像素鏡頭,Snapshot美麗照片吧。