足球｜波巴迪拿入波High爆除褲慶祝 事後知衰道歉：希望我老婆睇唔到
蘋果日報 2020/12/31 04:00
波巴迪拿除褲
波巴迪拿喺周三嘅比賽入波後除褲慶祝
曾經外流歐洲嘅巴拉圭國腳波巴迪拿喺周三嘅一場巴拉圭盃賽之中射入關鍵一球，協助球隊贏波。不過呢位33歲前鋒入波之後太過興奮，連褲都除埋，事後佢就公開道歉，而巴拉圭足總就唔排除向波巴迪拿作出追罰。
曾經效力過慕遜加柏同奧格斯堡等歐洲球隊嘅波巴迪拿，今季就畀小阿根廷人外借返去佢嘅祖國巴拉圭嘅其中一支球隊瓜拉尼。瓜拉尼喺周三嘅國內盃賽對住國內強隊利伯泰迪，波巴迪拿喺86分鐘為瓜拉尼射入咗奠勝一球，協助球隊兩回合計險勝3:2。
入波慶祝就好平常，就算除埋衫慶祝都最多係食張黃牌。不過對於波巴迪拿嚟講除衫都唔夠，仲要除埋條褲！據講直播畫面仲影到波巴迪拿露出咗部份「小弟弟」嘅精采一刻，令原本一場足球比賽直播出現「放送事故」。
雖然球證冇即場採取行動追罰波巴迪拿，不過呢位33歲前鋒賽後都知衰公開道歉：「我對我嘅慶祝方式感到後悔，我希望我老婆睇唔到啦。」不過除褲慶祝一事仲有手尾，巴拉圭足總就表示，雖然冇收到執法球證嘅投訴報告，不過足總將會以網絡流傳嘅短片作為證據，向波巴迪拿提出檢控，呢位33歲前鋒隨時會被罰長期停賽。
據報波巴迪拿慶祝嗰陣被鏡頭拍攝到下體
巴拉圭足總已經對波巴迪拿嘅慶祝方式展開調查
----------------------------
時勢艱難，有問題即管開聲！
經濟環境陰晴不定，周轉困難亦是常事，邦民日本財務讓你安坐家中，貸款一樣可以輕輕鬆鬆到手，網上貸款即時初步批核⦿，星期日都照批★，用轉數快可以即批即過數^，全新客戶成功貸款可享迎新現金獎高達HK$3,500▲，所以說，解決方法總比問題多！
立即申請 : https://bit.ly/3892UgF
推廣期由2020年12月1日至2021年1月31日(包括首尾兩天)
須受條款及細則約束，詳情留意邦民日本財務(香港)網頁。
忠告：借錢梗要還，咪俾錢中介
放債人牌照號碼：1328/2020
查詢及投訴熱線：3199 1199
-----------------------------
《體蘋果》陪你睇波講波
-----------------------------
《蘋果》英文版免費試睇：了解更多
-----------------------------
支持蘋果深度報道，深入社區，踢爆權貴，即Like蘋果專題及調查組FB專頁！