家住天水圍的Rain自言從不關心政治，「連李家超係邊個都唔知」，對五年前的雨傘運動亦不甚了解，「淨係知關政治事，同分藍絲、黃絲」，但卻從今年6月起的反修例運動中「醒覺」，人生180度轉變，漸漸開始關心社會時事，參與社區事務之餘，更與抗爭者同行，走到街頭聲援。但幾個月來，眼見各種警暴、濫捕問題，Rain既憤怒又害怕，但又感到力不從心。

記者：趙媛媛 攝影：徐雲庭

Rain表示自己當時因見到司法界呼籲民眾加入6月9日大遊行而開始參與，漸發現政府的管治手法有問題，「點解政府啲回應咁廢，真係唔理民意喎，連一個中學生答問題都會答得好過佢哋」，認為「有啲咁嘅人治港，死梗」，然後便開始投身到這場運動之中。

Rain坦言自己是個和理非，每當社區有事發生，無法衝上前線的她只好作支援角色。直至發生反修例運動後 ，Rain深深感受到社會上種種的不公不義，想出一分力改變的她加入了區選助選團義工，「所有嘢都由最小做起，由區議會開始」。她為天水圍區選「全黃」的結果大感意外，同時亦感受到天水圍街坊的團結，「區選後好多唔識嘅街坊都會喺網上啲群組度討論，可以點樣幫到自己區，覺得咁樣好warm」，而每當社區發生衝突時，一群天水圍街坊更會洶湧而出，走到街上守護青年，守護社區。

11月5日當晚，有大批防暴警員突然闖進天水圍天晴邨內，引起居民不滿，當晚她出外吃晚飯後回家亦見到防暴警員在邨內戒備。Rain質疑警員入邨目的，便與一眾街坊圍觀指罵，盼能驅趕警員離去，當晚她擔心有警員「埋伏」，多次在邨內巡視。

11月中理大事件當日，天水圍都有開花。當晚Rain也與一眾街坊走到街頭聲援，她說當日警方不斷施放催淚煙，她帶了水及茶到場為抗爭者與街坊洗眼及皮膚。目睹在槍林彈雨、煙霧瀰漫的情況下抗爭者依然毫無半點退縮，「呢班小朋友真係好傻，雞蛋碰石頭係會死，人哋（警察）真係又橡膠子彈又唔知乜彈！」都為年輕人痛心、難過。

每次在旁親眼目擊各種警暴問題，Rain既憤怒又害怕，想要守護年輕一群，但又力不從心，「我哋除咗鬧仲做得啲乜啫。」眼見青年被捕，她直言：「好心痛，會喊，但又唔知做到啲咩。」不過，她說不會輕易放棄，會繼續走上街頭支持抗爭者對抗暴政，又直言政府若不正視問題，只顧將所有責任推卸至抗爭者甚至市民身上，抗爭只會沒完沒了。

-----------------------------
【匿名港警爆大鑊】
韓國KBS時事節目《時事直擊：香港 被自殺》
一按即睇
-----------------------------
【撐學生】
召集有心人 撐學生全年睇《蘋果》
立即按此
-----------------------------
你敢爆，我敢獎！ 立即WhatsApp《蘋果》24小時爆相爆片熱線 或致電：63836568