現年34歲嘅韓國男星黃致列，於2007年出道但未受到關注，直到前年參加Mnet音樂節目《看見你的聲音》喺韓國爆紅，去年演出大陸綜藝節目《我是歌手》第四季時，翻唱天團BIGBANG嘅《BANG BANG BANG》獲得唔少大陸粉絲喜愛，累積人氣。

黃致列去年開始進行《2017烈火演唱會》，繼7月喺台灣開騷後，黃致列將於下月14號唱到香港九展，同「馬舞女」泫雅嘅組合Triple H、治療樂團STANDING EGG打對台。今次係黃致列首次襲港開騷，佢更特別為粉絲拍下普通話嘅短片宣傳今次港騷，叫粉絲多多支持，相當有心。而是次港騷嘅門票將於本周四公開發售，價格由$680至$1,480不等，粉絲又係時候撲飛。