每一次遊行，除咗港人用腳發聲表態，值得尊敬，在場採訪記者嘅專業精神，亦十分可敬，而有時一張相更勝千言萬語，相信由上周日（9日）至今日（16日），唔少港人都喺攝影師鏡頭下，睇到香港人力抗中共侵蝕下嗰份堅持同毅力。而喺去年亦有唔少天災人禍發生，各大報館攝影手足都落力用相片記載特區大時代史實，由香港攝影記者協會舉辦嘅《前線●焦點2018》周年新聞攝影比賽結果出爐，《蘋果日報》都喺3個組別獲獎。

相信大家唔會忘記去年超強颱風「山竹」來襲香港，各區塌樹，滿目瘡痍。八方攝記同事許頌明就憑一幀拍攝天平路塌樹處處，學生返學如同喺森林和原野中嘅「山區兒童上學記」喺「一般新聞組」嘅《自然與環境》組別奪冠。律政司司長鄭若驊喺爆出僭建醜聞、被指知法犯期間出席法律年開啟禮時冇再回應僭建一事，攝記同事易仰民影低鄭若驊企喺寫有「司法機構」字樣講台前被咪高峯遮蓋一隻眼嘅情景，身為司長都對法治隻眼開、隻眼閉？呢相靚張就喺《特寫組》組攞到季軍。

突發組攝記亦有收獲，去年12有人月喺深水埗福華街掟錢落街，當時到場採訪嘅詹家志就拍低大量100蚊紙從天而降，途人瘋搶嘅實況，喺《突發新聞》組別獲優異獎。

八方都恭喜各位攝影同事，相信佢哋今日會繼續緊守崗位，盡力【記●你●老母】……續以靚相紀錄上街市民包括媽媽嘅心聲，以及記載黑衣市民對禮賓府內一母親嘅不滿。大家沿途見到影緊相嘅攝記，請為佢哋打打氣。

-----------------------------
6月14日至22日 《GAME迷鬥一餐》
玩《小小金魚跳躍王》即有機會贏取 OUTBACK $100現金券
http://bit.ly/2HW1FUH
-----------------------------
【新聞有價】繼續撐蘋果
請往蘋果日報網站了解更多