廿年冇老過
55歲黑木瞳回春30幾歲冇難度

蘋果日報 2016/04/21 00:00


日本女星黑木瞳出名駐顏有術,已經55歲嘅佢到今時今日都仲係好省鏡,最近喺夥拍鈴木保奈美嘅NHK劇集《討厭的女人》中,黑木瞳就算扮成30幾歲都頗有說服力。

黑木瞳拍住役所廣司嘅代表作電影《失樂園》下年就20周年,黑木瞳今次為《討厭的女人》飾演律師,由37歲演到57歲,日前已播出大結局,觀眾都大讚黑木瞳多年來都美艷如昔。黑木瞳同劇仲有《東京愛的故事》女星鈴木保奈美,現年49歲嘅保奈美比黑木瞳後生幾年,但喺劇中扮演30多歲就有啲吃力,相反黑木瞳就毫不遜於拍檔,網民形容佢係「55歲之奇蹟」!