韓劇《太陽的後裔》男星宋仲基今日32歲生日，下月31日就娶同劇拍檔宋慧喬嘅佢，近期真係多喜事。

早前宋仲基跟喬妹於美國拍攝完婚照秘密返韓後，近日被網民捕獲到佢去打golf，當日宋仲基仲心情非常好不時露出燦爛笑容，更為粉絲送上簽名，及留言為粉絲打氣，非常親民。不過公開嘅照片中就未見喬妹身影。另外oppa今日生日，未知喬妹會有咩表示呢？

另外，宋仲基嘅官方fans club為慶祝oppa生日，向韓國白血病兒童基金會捐出1985萬919韓圜（約13.7萬港元）。