十年前樓市沉寂，居屋無人要，今日居屋、租置公屋也是盲搶目標，而且屢造天價，不再是「窮人恩物」，討伐「地產霸權」聲音，近年7.1遊行越喊越響。香港仔公屋華貴邨華禮樓中層單位以420萬元成交，是歷來最高成交價的公屋。5月大埔公屋太和邨實用呎價更撲近萬元，成為最高呎價公屋之外，若計呎價，甚至貴過同區豪宅比華利山別墅。

居屋實呎逾萬元

樓價低殘，負資產上街；樓價顛狂，無殼族遊行，十年來樓價兩極，富貴公屋也以天價成交，華貴邨華禮樓中層6室，本月成交價420萬元，創歷年公屋成交價新高。呎價方面，5月大埔太和邨1座喜和樓高層26室，實用164方呎，以160萬元連地價易手，實呎高達9,756元，成為實呎公屋王。
公屋價着晒火，靚地居屋更值錢。大角嘴居屋富榮花園6座低層K室，本月以468萬元成交，建築及實用呎價分別為9,267元及10,858元，成為九龍最貴居屋。不足一個月，毗鄰海富苑一個實用面積212方呎單位，就以238萬元成交，實呎高達11,226元，以368元差距，成為九龍實呎居屋王。

「驚樓價升猛搶」

長策會成員兼經濟學家關焯照認為，公屋居屋價升反映需求大，買家心態是「驚樓價升得緊要，咪猛咁搶，恐怕將來樓價一跌，會好傷」。