當年今日
關於我們

楊思琦囡囡讀書月使過萬每日限100蚊買餸慳家

蘋果日報 2014/06/11 06:00

蘋果楊思琦即時慳家Krystal買餸

單親媽媽楊思琦,負起供樓養家一大責任,錢梗係計住使喇!今日就有報道話離開大台,出來撈嘅思琦媽,正被苗僑偉同曾志偉成立嘅經理人公司游說佢簽長約,等佢有個安穩嘅碼頭。

楊思琦依家仍然係自己搞掂,錢梗係睇得緊,佢咩都可以慳,但係個女Krystal嘅使費,就一啲都唔慳,家住將軍澳,但係思琦安排兩歲囡囡喺九龍塘去名校讀playgroup。

教育經費一蚊都唔會慳,仲係每個月使費過萬,但係買餸錢,思琦都係慳得就慳,今日報導就話思琦專車接載囡囡返九龍塘playgroup之後,原車返將軍澳厚德街市買餸,一百蚊搞掂一餐餸,絕對唔會大魚大肉,思琦仲話已經搜集咗好多名校資料,儲定基金,都係想俾最好個囡。